إغلاق القائمة
الشباب تقولنا العيوب اللي بتشوفها فى البنات والبنات تقولنا العيوب اللي بتشوفها فى الولاد

الشباب تقولنا العيوب اللي بتشوفها فى البنات والبنات تقولنا العيوب اللي بتشوفها فى الولاد

اخر تحديث :
    الشباب تقولنا العيوب اللي بتشوفها فى البنات والبنات تقولنا العيوب اللي بتشوفها فى الولاد


    جمعنا مجموعة كبيرة من الشباب من الجنسين عشان نعرف اجابتهم على سؤال :الشباب تقولنا العيوب اللي بتشوفها فى البنات والبنات تقولنا العيوب اللي بتشوفها فى الولاد ؟ وتم تصفية اهم الاجابات ووضعها بين يديك لتساعدك على موقع تجارب كوم تم تقسيم الاجابات كل تجربة ورأى فى فقرة اى ان كل فقرة تعبر عن راى شخص واحد فقط

    سؤال الموضوع :


    الشباب تقولنا العيوب اللي بتشوفها فالبنات وترفضها والبنات تقولنا العيوب اللي بتشوفها فالولاد وترفضها

    ياريت كل واحد يقول تجربته أو يقولنا وجهه نظره في يا ترى كل واحد فينا شايف عيوب التانى ازاى ؟

    انا برفض البت اللى لبسها اوفر ..وجميلة فتكتر من الميكب ..مغرورة بجمالها فقط بتدور على الشكل فقط مبتهتمش بحببها ..واكتر حاجة لو عشمت اللى ادمها بلحب وهى بتفكر فغيرو

    الدلع والمياصة وقله الحياء واللبس الضيق اللي بنشوفهم في الشوارع

    قلة الحياء ... والحياء يشمل الظاهر والباطن

    العيوب اللى الواحد بيشوفها فى أغلب البنات بس مش كلهم ضعف الايمان والدين والتربية والاحترام  ودول لوحدهم كارثة , الاهتمام بالمظهر مش الجوهر !! يعنى تلاقى الواحدة من دول اهم حاجة اللبس والميك اب والـ accessories بتاعتها .. لكن من جواها عقلها فاضى ومن عيوب البنت برضه ( العند وانها متسمعش كلام الراجل المسؤلة منه سواء خطيبها او جوزها ) !! كمان الغرور :( مفيش حاجة احلى من ان البنت تبقى بسيطة ومتواضعة :-) اخر حاجة .. البنت اللى بتقعد تقول شتايم كتير وكلام مش لطيف بحجة انها open mind

    من عيوب الولد قله الدين او التظاهر بالتدين و البخل بس كده

    مبحبش الراجل المتحكم والعصبى والسباب

    حب السيطرة والغرور في بعض الرجال وليس الكل

    العيب الوحيد فى البنت انها تكون مبتضحكش كتير

    الشباب تقولنا العيوب اللي بتشوفها فى البنات والبنات تقولنا العيوب اللي بتشوفها فى الولاد


    حب التحكم والراجل الديوث تبقى مراته ماشية بكينى جمنبه وهو زى الفل وبعضهم بقوا بيرموا كل المسؤولية على الست ونظمى سالت ايدة خالص

    الرجالة اللى كاتبه اللبس الاوفر والميكاب امال لية بتموتوا فى هيفاء وتعشقوا البنت الروشة والاستايل واللى لبسها اوفر ودة بشوفها كتير جدا وحتى بتزهقوا زوجاتكم شوفى فلانه عاملة اية وعلانه  اية التناقض دة ؟


    الله اعلم بس ماعرفتش راجل سواء اجوازات اصحابى او قرايبى الا ويهمهم المظهر اوى ولو اهملت فى نفسها برة ولا جوة يروح يدور على واحدة تانية


    تمام يبقى دة بيتناقض مع كلام اللى بيقولوا البنت الميكاب اوفر واللى مافورة فى مظهرها فى حين انهم ح يموتوا ويتجوزوا نانسى ولا هيفاء

    ماحبش الراجل اللى الفاظه مش مهذبه او اللى بيدخن او اللى مش بيصلى اخر حاجه اللى مش بيعامل امه واخواته بما يرضى الله

    العصبية والتحكم بدون مبرر من الرجل أو المرأة

    الولد المتكبر وفاكر نفسوا توم كروز

    انها بتغير من صحبتها الي اتخطبت وهيا لا بشوف نميمه مشفتهاش ولا هشوفها خالص

    بتمشي ولاه كلم مامتها

    العصبيه والتحكم وعدم تقبل الراي غير رايه وبس كرجل البيت


    البنات دول ملايكه هو في زي البنات دي هو الدنيا يبقالها طعم من غيرهم

    لو في عيوب نغيرها بالراحه والهدؤء كل راجل وليه عيوب واكتر عيب العصبيه 👌 بس نقدر نتحكم برضوا


    لبسها الضيق هزارها ف الشارع كذبها وحوراتها علاقتها بصحاب مش كويسه  قله احترامها وتقديرها ليا

     برفض الراجل العصبي المتسلط الي معندوش تفاهم وشايف نفسه صح وبس وكل الناس غلط والي مبيعديش الغلط وبيكبر اوي اي موضوع و حابس حريه البنت الي معاه وبيخنفها ويرفض دايما كل حاجه بتحب انها تعملها ده اسوء راجل في الدنيا

    الشباب ضعف الدين و فاكرين انهم عشان ولاد مبيتحاسبوش

    بعض البنات بتبص لنفسها فقط يعنى مثلا اعرف جوازات اتفشكلت بسبب ان البنت لازم فرحها يكون فى قاعه وكده والا بلاش وممكن هى نف البنت تيجى بعد كده تقولك نصحا لصديقتها بلاش تعملى فى قاعه اعمليه على الضيق احسن دى حاجه واحده بس ممكن اذكرها فى بلاوى كتير بصراحه

    عندك مثلا يعني البنت الي بتحط صورتها ع الفيس وكده هي وصحبتها دي

    ممكن كمان زوجها يقولها بلاش لبس ضسق او فى الاتفاق يقولها انا مش هاحب تلبسى بنطلون تلبسى لبس واسع وتغيرى طريقه لبسك تقوله لا مينفعش وتقول انك كده بتغير على شخصيتى وكلام من هذا القبيل

    لا انا بحب المصريين بعيوبهم مفيش حد فينا خالى من العيوب ودا فى علم النفس اسمه " فقرى "

    اكتر عيب في الاتنين هي الاخلاق .. لو الاخلاق كويسه كل شئ هيبقي كويس

    مش بتتقى الله فى أهلها ودينها وهى خارجة من بيتها إن اتقت الله فى أهلها وفى دينها جميع عيوبها الكبرى هتختفى

    بالنسبه للاتنين ،عايشين قصه فيلم احمد زكى " انا لااكذب ولكنى اتجمل " حاجه ملل بصراحه

    انا كبنت اكبر عيب اني اشوف راجل واحس اني ارجل منه بتصرفاتي

    كمثال بسيط بوز البطه اللى كل البنات بيعملوه وهم بيتصوروا دى حاجة من ضمن الحاجات

    بوز البطه ....التقليد في الموضه.....السيلفي الكتير .....التفاهه

    الموضه الغريبه اللي بيقلدوها وعدم تحملهم المسئوليه ويأسهم وشكهم في اللي قدامهم وده طبعا مش للكل ده حالات بس

    البنات لبسه وحش جدا الايام ومفيش حشمه ولا صلي وجراء زياده عن الذوم

    النوتيلا و السيلفي و اللبس الضيق و النوتيلا و التناكه و الزن والنوتيلا و التفاهه و المياصه والنوتيلا و صور الحيوانات الاليفه و الميك اب بتاع النقاشين والنوتيلا

    التفكير السطحي .. الكذب .. التصنع . البرود

    البنات محتاجة تخاف من الحرام اكتر من العيب البنت يكون لبسها ضيق وتقول لك ده محترم وكل البنات بتلبسه  مع انه مش محترم ولا حاجة  ويبطلو يتفرجو على مسلسلات كتير علشان بيسرحو معاها ويلاقو الواقع مختلف  ويرضو بالنصيب وربنا هيكرمهم

    هو فيه حد كويس لامؤاخذه ان كان بنت ولا ولد هناك قله قليله ان وجدت ينفع تفتح بيهم بيت وده بيرجع لل فرست امبرشن الاول والباقي شكليات اهم حاجه تكون بتصلي

    هي حاجة واحدة بس اللي بيدور عليها الموضوع كله تقوى الله وحسن الخلق ! 

    الواد اللي يتقي الله وخلقه حسن في اخلاقه وكلامه ومشيته ولبسه ومع اهله ومع مراته وفي حيااته كل ما يزيد تقواه لله كل ما هيبقى شخص رائع والبنت كذلك ، بس للاسف اتملينا امراض وبعد عن ربنا ومظاهر كدابة ونفوس مريضة وتفكير سيء بلاوي سودة ومنيلة بنيلة على دماغكوا

    أى كانت العيوب ف لابد منها مفيش حد كامل أو معصوم من الخطأ .. ولا فى راحة كاملة فى الدنيا . اكتمال النواقص اللى فى الدنيا هتبقى فى الآخرة (الجنة) ان شاء الله .. هناك هتبقى على خلق النبى صلى الله عليه وسلم وهناك هتبقى فيك كل الصفات الجميلة وبرضو هنا هيبقى معاك كل أنواع المتاع والراحة .. ربنا يكرمنا جميعاً

    بصراحه بنات اليومين دول عندهم جرأه فظيعه راحت منهم الخجول بتاع البنوته الرقيقه الى مش متصنع ..... وعليهم هيافه فظيعه .... الولاد بقى محبطين زيادم عن اللزوم انا اكبر منكم شويه وبتفرج من بغيد وده راى فى جيلكم

    طيب والله انتو كشباب طيبين والعيوب اللي شيفنها منطقيه عايزين تشوفوا النقد السليم اسأل البنات عن عيوب بيكرهوها في بعض هتشوف المثاليه بجد

    عند تطنيش وعدم مبلاه ومش بيقدر ان بنت بتكون محتاجه وعايزه وديما شايف ان بنت هايف وان كل طلبتها تتفسح وتفضل تسمع كلام حب وبس طبعا لا اه عايزين حد يبقي حنين مهتم بينا لان اهتمام عامل كبير فكل حاجه

    كل واحد شايف ف نفسه عيب بيرميه ع غيره الولاد بيقولوا مفيش بنات محترمه والبنات كذلك مفيش ثقه ولا بقى ف اخلاق مرحب بجواز الصالونات من تاني

    بكره غيره البنات واقصد بالغيرة هنا من اصحابها او البنات بصفة عامه تغير منها في لبسها او شكلها فتروح تلبس زيها وتحاول تغير في شكلها علشان شايفه صحبتها جميله وبعض الناس بيلقوا القصائد في جمالها دي اكتر حاجه بتكرهني في البنت انها بتغير من بعض البنات فتحاول تقلدهم حتي وان كان طريقة لبسها او شكلها فيه معصية لله

    كلنا نخاف من ربنا اكتر من خوفنا من المجتمع وكلام الناس ، محتاجين نهتم بالباطن اكتر من الظاهر ، محتاجين نجمل نفسنا من جوه مش من بره ، محتاجين نقتنع ان ربنا هو اللي بيوزع وبيقسم وهو الحكيم ومحدش بياخد نصيب حد ولا رزق حد ، محتاجين بعض البنات تبطل تفكر انها لو اتساهلت شويه في لبسها او زودت الميك اب بتاعها هتجيب عريس كويس

    الاتنين محتاجين كورسات تنميه بشرية فى كيفية التعامل مع عائلتهم وكورسات تربية أطفال

    اهم حاجه الدين والاخلاق سواء كانت في البنت او الولد ، قال النبي صلى الله عليه وسلم عليك بذات الدين تربت يداك ، وكمان قال صلي الله عليه وسلم اذا اتاكم من ترضون دينه وخلقه فزوجوه ، وما من شئ اثقل في ميزان العبد يوم القيامه من حسن الخلق ، كل الاحاديث دي بتأكد علي حسن الخلق والله اعلم

    الى من اول تعامل يعد يقولك مبحبش البنت الى تتعامل والى والى تحسي ان لو حد جه قلك صباح الخير هيقولك مبحبش برضوا تحسيه مخنق على الفاضي حتى لو بنت ملهاش فى حاجه هترفضه لانه يزهق والشخص الى يتكلم على علاقاته بالبنات والشخص الى مش ملتزم بمعاده او كلمته والى بيكدب كتير والي شايف ان البنت هتوافق عليه عشان شهاده او شغله او شقه او اى حاجه والى بابى جايبله كل حاجه ومش بيسعى لحاجه والشخص الى يسالك بتاخدى مرتب كام ولازم تشتغلى

    وهو فيه حد كامل بص انت تحب تاخدها بقرفها بحلاوتها وهى كمان بقرفك بحلاوتك سواء الشخصيه أو الأسلوب أو الشكل وغيرهم تشوف انت بقا مضايق من اى وتقولها وتقولك عشان تغيره ولو بسيط

     البنات انتزع منها الحياء وبقوا اجرأ من الولاد ..لو ارتبط بحد فيهم ايا ماكان نوع الارتباط بتخنقك ..فيهم هيافه تخليك تطلع من هدومك ..فاكراك انك سوبر مان وتعيشها اللى اتحرمت منه سنين ..ودة مش حقيقى ..بتحلم باللى يحضنها ويضفرلها شعرها ويلعب معاها بلاى ستاشن ويجرى بيها تحت المطر وانه يخطبها وهوة راكع على ركبه قدام الناس عشان تتفاجئ .. انا معاك ان كل دة حلم كل فتاه ..بس اديكى قولتى حلم والحلم ساعات بيتحقق وساعات لاء .. فمتصديش حد جالك من الباب لانه وما يدريكى ممكن تعيشى معاه اجمل من اللى كنتى بتحلمى بيه ..الولاد انتزعت منهم الجنتله فى التعامل والاخلاق العاليه .. وبقت البنت مجرد فريسه ومابيتقيش ربنا فيها .. راكن جنب الحيط ومفكر ان فيه معجزة هتحصله بين يوم وليله ..محبط لدرجه عاليه 

    ان البنات ضعفا بيمشو تحت المثل الى هو كتر الزن امر من السحر وثانيا الكدب والمياصة والمحن مع احترامى ان مش كلهم بس ف نوعية كبيرة جدا فيهم كدا وانها تخبى حتى لو الى هتخبى هيزعل الى قدامة وبتخبية بحجة انو ميزعلش

    عينه زايغة خاين دايما سبحان الله بيتقى الله في البنات وبيعرف انه هيظلمهم بعد ما يكون خلاص البنت بتموت فيه

    أنا يضايق جدا من الولد اللي بيقول الولد ميعبهوش حاجه ويمشي ينتقد كل حاجه تعملها البنات وهو مليان عيوب بجد أبدأ بنفسك وبطل تعمل نفسك مبتغلطش

    انا تقيمى للناس عشان احبهم واحترمهم بالشخصيه مش بالنوع بمعنى مفيش عيوب معينه للستات او عيوب معينه للرجاله هى شخصيات مش اكتر بس نقدر نقول ان فى شويه أفكار مغلوطه وتناقضات فى شخصيه الراجل الشرقى عامه بس مستوى التعليم ورقى التفكير بيقلل كتير من أثارها السلبيه

    بكره الراجل ال يتجوز يسيب المسئوليه كلها علي مراته و الاخر مش عاجبه و يشتكي منها

    بكره في البنات اللي عايشه دور الموعظه للفت الاتنباه وهي مليانه عيوب وبكره الراجل اللي فاكره حقه يعاكس ويغلس ويستظرف وفاكر اهله بيته مش بيحصلهم كدا للبنت والولد دان تدان

    اسلوب الشباب المستهتر وقعدتهم في الكافيهات وع النت وكلامهم عن ومع البنات.. وعدم تحمل المسؤولية  وتبدا من بيتهم قبل الجواز.والاب هو اللي يجيب كل طلبات البيت وهما في استهتار  وكذلك بعد الجواز بتعمل مشاكل عشان متعودش يتحمل مسؤولية واخيرا عدم الصلاه والتزام

    بكره الراجل اللى دايما فاكر ان الرجاله اذكى من الست اللى دايما باصص عليها بإستهزاء وشايفها تافهه، شايفها اتخلقت بس عشان تبسطه جسم شكل ، ملهاش اى صلاحيات تانيه فى الحياة .. بكره الراجل اللى بيوعد ويخلف الكداب الغير مسؤل عن قراراته ،،اللى مفيش ست بتملى عنيه ودايما عينه فارغه بكره الراجل التابع اللى ملوش مبدأ ورأى بكره الراجل اللى دمه تقيل ودايما قافش ، اللى مش مهتم بمظهره وفاكر انه لمجرد انه راجل يبقى كده حلو اووى .. حاجااااات كتير اقول ايه ولا ايه

    الشباب بعيداً عن البعد عن ربنا وترك الصلاة لانه موجود ف الجنسين ... بس بتضايق لما اشوف شاب لابس بنطلون ضيق .. تعالا نتكلم بالعقل حضرتك محترم نفسك بالبنطلون دا؟! و ع فكرة هو مش بيعجب الا البنات اللي شبهه ف صدقني البنطلون الواسع للشباب بيكون شكله محترم جداً و البنات لما بتلاقي شاب بنطلونه ضيق بتقول عنه كلام مش حلو ف بلاش يا ابن الناس

    العيوب اللي في البني آدم عمرها ما هتتغير إلا لما تحصله الف حاجة تخليه يغير الغلط اللي بيعمله!!.....لان كلنا بنغلط ...ومفيش حد كامل 

    من الواضح ان البوست كله تعميم ..مش كل البنات ملايكه ولا كل الرجال شياطين.. الانسان مش نظريه تطبق عليه جميع الفروض ..ممكن واحد فى موقف غير الثانى تماما...لكن خلاصه كلمه عينه زايغه اللى ف كل كومنتات البنات.. ربنا سبحانه وتعالى خلق الانسان ويعلمه اكثر من نفسه ..لذا قال ...زين للناس حب الشهوات من النساء والقناطير المقنطره من الذهب والفضه ..يعنى تأكدى انى دى غريزه فى الرجل خلقت بداخله مش قله ادب وقله حياء وانعدام الوفاء ...لكن الرجل خلق كده .. علشان كده ربنا سبحانه وتعالى حلل للرجل الزواج من 4 فى (حدود وشروط) وحط تحتهم 100 خط .. ويقول الامام على ..لو تملك رجل واحد جميع نساء اهل الارض إلا واحده لاشتهى تلك الواحده ذلك خلق الرجل...هى دى نقطه الخلاف الابدى بين الرجل والمرأه ...لكن فى فرق كبير بين الكلام ده وغض البص ..لكن عموما الرجل عندما يمتلك المال يبحث دائما عن كل وسائل المتعه منها كثره الاولاد وتعدد الزوجات وترف ورغد الحياه ..(.ف بكل بساطه قصقصى ريشه وخليه فقير زى اى زوجه مصريه اصيله يعيش معاك زى الفل مدى الحياه)

    بعيد عن ترك الصلاه وعدم التدين اكتر عيب بشوفه الطمع بمعني البنت بتبص لقرايبها واصحبها وبتبقي عاوزه زيهم واشمعني دي جابت والكلام الفاضي ده 

    صفات لا نحبها في بعض البنات .. المغرورة بجمالها. . قليلة الحياء .. ذات الصوت العالي .. التي لا تراعي ظروف أهلها أو زوجها وترهقهم ماديا. . البعيدة عن ربها وصلاتها .

    اي عيب في البنات ممكن يتم التغاضي عنه الا عيب واحد ملازمهم وتعبهم وتعبنا معاهم هو انها تبص لغيرها (دنا بنت عمتي خطبها جبلها ده يوم فرحها صحبتي فلانه دنا فلانه جلها شبكة بكذا والله دي اكبر مشكلة في البنات اليومين دولت بتكون تنام وتقوم تحلم بواحد يتقدملها ويوم لما يجلها حد تحسسه انه كان رقم عشرة في كشف العرسان وهي وفقت عليه يا ماما انت وهي كفاية بقي محنا عرفين كل حاجة والشاب للاسف لما يكون شاري وبيحب البنت ينداس عليه بالجزمة وينطلب منه طلبات فلكية ولو هو رايح مستهتر ومش فارق معه تتفرشله الارض ورد والله دية حقيقة عشتها بنفسي وزميلي حقيقة ملموسة اي شاب انصحه اوعي تتعلق بواحده وانت رايح تخطب والله هتتعب جدا)

    الراجل اللى بيحاول يفرض سيطرته علي البنت بيبقي بس من باب اثبات رجولته .. لكن هو لو بحث جوة نفسه هيعرف انه ضعيف الشخصية جدا و مهزوز و بيحاول يعوض ده بإنه يفرض سيطرته علي الانثي عشان يدارى النقص اللى جواه علي عكس الولد الواثق من نفسه بيبقي عارف انه اكتمال شخصيتها و حريتها بيبقي اكبر دليل علي ثقتك في نفسك و إحترامك لذاتك

    صوتها العالي.. أسلوبها وطريقة كلامها والألفاظ نفسها.. اللبسسسسس المنيل إللي بنشوفه.. قلة حيائها أو أخلاقها.. عدم المحافظة ع الصلوات.. عقلها وطريقة تفكيرها وحلها للمشاكل طبعا.. وأخيرا تقل الدم

    أنا بقا بكره الراجل المتكاسل والمهمل وضعيف الشخصيه والشكاك واللي عايش الدور وبطي الفعل واللي بيخلف وعده واللي بيجي على اللي معاه وعديم المسئوليه

    اللى تصور بوز البطة وكمان تحطها على الصفحة الشخصية. والأدهى تكون محجبة وبتعمل كده صراحة بيبقى منظر لا يليق تماما بالحجاب 


    ودى كانت جملة من التجارب والاراء للشباب من الجنسين على سؤالنا فى التجربة على موقعكم تجارب كوم انت كمان ممكن تضيف تعليقك على الموضوع فى الاسفل
    دايركت
    @مرسلة بواسطة
    كاتب ومحرر اخبار اعمل في موقع احلي يوم .

    مقالات متعلقة

    تعليقات: 0

    إرسال تعليق