هل المنطقة التى تسكن بها البنت تؤثر على مستوى فرصها فى الزواج ؟

الغلط على والدك الله يرحمه , مبصش لأنه بيشتري علشان يعمل أسره وعيال , ابويا شاري بيت لينا في فيصل منطقه متفرعه من الملكه , بس فعلا الشارع كله حراميه وبتوع مخدرات , مش عاجبانا المنطقه خالص , ورافضين عيالنا يتولدوا يلاقوا نفسهم في بيئه غير ملائمه , طبعا انا واختي قلنا هانبيع ونشتري بره , إنما اخويا علشان راجل شايف انه كده تمام وراضي ان عياله يعيشوا فيها , وللعلم ووالدي كان عايز يعيش في منطقه شعبيه والدتي قالت له لا انا عايزه عيالي يطلعوا ولاد منطقه راقيه وفعلا اخدتنا على اقرب منطقه راقيه قرب شغله .

ايه اللي شيفاها في التعيلقات ده ايوا العرسان كده دلوقتي فعلا لو شاب عايش في مكان راقي بيبقا عايز واحده زيه في مكان راقي عشان المظاهر وعشان تحسنها في كلامها لما بتبقا البنت من مكان راقي بتبقا راقية في كلامها واسلوبها دي النظرة اللي من منطقه شعبيه هيخاف من طريقتها وأسلوبها تكسفه مع اهله راي انك تعزلي ده انسب حل

مش بس علشان المظاهر البيئه بتنضح على الشخص وقت الخلافات ولو البنت الشيك والكلاس اللي قدامك اكتشفتي انها من منطقه شعبيه وقت الخلاف بتقلب حد تاني وتفرش الملايه زي ما بيقولوا

معاكي عربيه وشغاله ف مكان كويس وبيتكم كبير معنى كده ان حالتك الماديه كويسه وثانيا باباكي مهندس وغالبا كده انتي معاكي مؤهل عالي . فين بقى الفروق الاجتماعيه انا مش شايف اي فروق اجتماعيه بينك وبين اللي بتقولي عليهم بييجوا يتقدمولك ثانيا كون انك ساكنه ف منطقه شعبيه فده مش عيب ابدا . واللي يصنف الناس ع اساس المكان اللي عايشين فيه فده المفروض انتي اللي ترفضيه

ولله بصي الموضوع دة مادى ومعنوى , مادى من ناحية لو كان عندك المقدرة المالية اللى تخليكى تعيش فايجار اجرى واهو منها نضافة ومنها العرسان توافق كمان ممكن تقعدوا برا وتأجروا البيت اللى كنتوا عايشين فيه واهو يبقا دخل اضافى تقدرى تدفعى منه الايجار ويزيد مصدر رزقك , معنوى من ناحية لو كنتى عاوزة تنقلى عشان تحسنى من مستواكى دة حلو خالص وكل واحد بيبقا عاوز يحسن من نفسه ومن مستواه اما لو كنتى عاوزة تنقلى عشان العرسان توافق وكدة فاحب اقولك ان الحاجة دى بتاعت ربنا مش بتاعة الاماكن ولا المستويات دة قبول وايجاب وتراضي وحاجات ملهاش علاقة بالماديات اطلاقا

انتي اتبسطي عن اللي صوفوا نظر لان تفكيرهم سطحي اوي فاحسن يعني ده خير ليكي بدل عايشه ف بيتك و ليكي حياتك متغيريهاش عشان خاطر حد الزواج رزق زيه زي الفلوس و الاولاد و غيره و دي كلها مجرد اسباب ربنا يوفقك يا حبيبتي و يصلح حالك و ادعي ربنا يرزقك بالزوج الصالح دي اهم حاجه والله

حالك زي حال واحد شغال في شركة خمور وهو عارف ان مرتبه حرام بس خايف يسيبها مايلاقيش شغل . اقسم بالله يابنتي ده ضعف ايمان وماكتبه الله لكي سيحدث وان عيشتي في زنزانه مش مكان شعبي اسالي الله واحسني الظن به

متنقليش الي عاوزك هيجيلك لذاتك مش علشان حاجه تانيه الي شاري حد حتي لو كان ايه بيشتريه

يولعوا يا روحي...بصي هو المكان بيأثر انا لو رجعت فيصل العريس اللي عوزاه مش هعرف اخلي امه تيجي حتي... بس اللي مش مقدر ظروفك يولللللللع يعني لو ظروفي رجعتني فيصل لاي سبب و جه قالي اصلك م فيصل وامي مش هترضا هقوله طز

اللي عايزك ها يجيلك لكن السطحي اللي تفكيره متخلف مالكيش دعوة بيه خليكي زي ما انتي اللي عايزك ها يعوزك لشخصك

لا مياثرش علي الجواز المفروض والا بقي اللي بيتقدمولك بيحبو المظاهر بلاش تتورطي في ايجار بعد البيت الملك بيتاعك محدش عارف الدينا بعدين هيحصل لي من غلا الاسعار والايجارات ومستوي المعيشه انا مش وجهه نظري خليكي زي ما انتي احسن

نفس مشكلتى انا من الريف ولى بيتى في الريف ولى شقه في العاشر من رمضان بس هتزوج في الريف وسط اهلي وناسي تتمسكى باصلك الى حابك لو في خرابه هيخدك

يعنى بتوع الارياف والمناطق الشعبيه مش بشر إلى بيشترى حد بيشتريه لو كان بياع فجل والى بيحب المناظر حيبيعك في اقرب سوق المقياس الاخلاق و التربيه إلى هى نادره في زماننا الذى نعيش فيه اوعي تسمعي كلام النت والى هيباع اليوم ب ١٠٠ غدا ب ١٠٠٠

وهو ال بيتقدملك هيجى يسكن فى بيتك ولا هتعملو الفرح فى البيت  هو ماله وبعدين هو الأماكن الراقيه دى جت من كام سنه يعنى قوليله ابو حضرتك ولا مؤاخذه الست الوالده جايين منين أصلا اول ما اتعرفى على حد  علشان لما يجى يتقدم هو نفسه ما يقولش مكان ولا مش مكان

تفكيرك صحيح للاسف و اعرف فتاه مرت بظروف مثلك و العشرات و كان منهم ذووا اخلاق مشوا و اول ما نقلت ربنا تتمم لها الامر و انسان كويس جدا و اهله محترمين لكن الله اعلم لو كانوا في نفس المكان كانو هيوافقم ام لا

فكرتيني بفيلم أحمد ذكي لما كان عايز يتجوز آثار الحكيم ومش عايز يرويها هو ساكن فين وفي الاخر طلع سكن في الترب!! مش فاكر اسم الفيلم؟ المهم في ناس اكيد بتاخد بالمظهر وده احسن حاجة تبعدني عنهم وخليكي مع اللي يقدرك، هي ديه عيشتك وده مكانك وبيئتك واللي عايزك علي كدة اهلا وسهلاً واللي مش عايز مع السلامة. ولكن لحضرتك فيما بعد عايز تنقلي مكان تاني يكون احسن ما فيش مشكلة كل الناس بتحسن من شأنها، لكن ما يكونش همك انك تسيبي المكان عشان العريس مش عاجبة المكان! واسف للاطالة

اللي يرفض عشان المكان اللي ساكنة فيه دة راجل تافه و انتي شخصيا مش فارقة معاه هو عايز اي واحدة مناسبة و خلاص فمتبهدليش حياتك عشان تاخدي حد بيفكر بالاسلوب دة اللي عايزك مش هيهمه انتي ساكنة فين

كله نصيب والجواز مالوش علاقة بالمكان ابدا انا واخواتي من قرية فالشرقية ارياف يعني واختي الكبيرة اتجوزت ظابط جيش والتانية اتجوزت دكتور وانا اتجوزت مهندس وكلنا عايشين فالمدن حاليا

ال بيتقدم مش هيتجوز بيتها ولا هيتجوز المكان ال ساكنه فيها ده هيجوزها هى شخصيا 

يابنتى متنقليش وال شاريكى هياخدك حتى لو عايشه فين ال كدا يبقى بتاع مظاهر وده مينفعش يبقى سند وكلوا نصيب

متنقلش هوما بيتقدمو عشان عارفين هي مين وبنت مين واهلها بس يبعدو عشان لحي مش راقي وكدة ممكن لمكانتهم الاجتماعية يبقى يغورو مش كدة الجواز والاختيار ولا يبقى الاسم متزوجة وخلاص

بصي احنا مش فى المدينه الفاضله وسيبك من الي يقولك كلام مثالي مياكلش عيش كلناااا بنحكم على بعض من المظاهر من اللبس والبيت وحتى الموبايل الي بنشيله وفعلا المعامله بتختلف كل ماالمظهر افضل.. طبعا لو تقدري تنقلي انقلي ومش عيب نرتقي بمستوانا ولا حرام .. حتى الي لو جالك مفرقش معاه هيفرق مع اهله.. وفري وقتك والمهاترلت والجدال وانقلي

مع احترامى الشديد لحضرتك تفكيرك غلط كلها مظاهر كدابه انتى لازم تكوني فخوره بنفسك وبتربيتك وبيبئتك اكتر من كده واللي هيجيلك عشان انتى ساكنه في مكان واو وراقي يبقي بنى ادم سطحى وتافهه انتى بقي تقبلي تكملي مع حد بالشخصيه دى ؟؟انتى ممكن تغيرى مكان سكنك عشان انتى عايزه ترتقي بمستواكى أو لأى سبب غير انك تغيرى نظره الناس ليكي أو تعجبي عريس... اللي يجيلك لازم يكون مقتنع بيكى وبتربيتك وبشخصيتك مش بالمكان اللي ساكنه فيه

والله اللي جولك دول ما يستاهلوا حتي انك تكتبي البوست علشانهم دول اشباه رجال اللي عايزك لازم يكون عايزك لشخصك انتي حتي لو كنتي ساكنه ف عشه هيرضي بيكي لكن اللي اتقدمولك دول احمدي ربنا انهم غارو ف داهيه 

نصيبك هيجيلك وانتي قاعده ف بيتك معززه مكرمه بس الصبر وما تستعجليش

مكان شعبي قوي مفهوش اي مشكله اطلاقاً لكن واسف علي اللفظ لو المكان فيه دعاره كتير ممكن تأثر لكن بصراحه اي سبب تاني ميأثرش علي الناس المحترمه ال بتدور علي بنات الناس الكويسه وميهتموش بالشكليات واحب اقولك خليكي في مكانك وال شاريكي لو ساكنه علي السطوح هيجيلك ويبقي مبسوط لكن للاسف كل ال اتقدملك المفروض تحمدي ربنا ان محصلش نصيب مع ناس بتفكر بالعقلية المتخلفة ديه وربنا يرزقك بإبن الحلال وخليكي فاكره الاسعار في الارتفاع ولو سبتي بيتك الملك هتتعبوا بعدين ومش ده الموضوع الاساسي الموضوع في التفكير المتخلف بتاع ال كانوا عايزين يتقدمولك

معلش انا هقولك رأي مختلف، فعلا بيأثر بيأثر ، واكبر دليل ان حتى وانت في بيت جوزك وتتكلمي ان ده حلو او ده مش عاجبني هو اول كلمة هيرد بيها يعني انت منين يعني؟ ، تاني حاجة انت نفسك بتقولي ان منطقتك مالكوش علاقة بحد، طيب ما يمكن فيها ناس اخلاقهم كويسة ليه مش بتفكري فيهم ؟ يعني متأثرة بأنهم ساكنين في المنطقة ديه، حاولي تعادلي الدفة وممكن زي ما ناس كتير اقترحوا تأجري البيت بتاعكم وتاخدي انت ايجار ، ربنا يحسن لك انت واخواتك نصيبكم وبنات المسلمين اجمعين